مالك شويخ يخرج عن صمته بخصوص ماحدث في مباراة السوبر

وقال شويخ :” ليوم  قررت نحكي علي صار و عالقهر إلي ساكت عليه عندي مدة خاصة بعد إلي صار البارح ، ما راعني إلا نلقى روحي المدرب حطني خارج القائمة وهذا الكل عرفتو وقت لي أنا في حجرة الملابس وفي اللحظة هذيكا حسيت بالقهر و خرجت direct مالستاد منيش فاهم فاش قاعد يصير على عكس إليّ قاعد يتقال إلي أنا رفضت نقعد عالبنك” . 
وأضاف :”شطر les matchs لي تلعبو كنت عالبنك و نشجع في صحابي و كنت راضي خاتر أذاكا choix  متع l’entraîneur و أنا ما عليا كان نحترمو ” 
وختم تدوينته بالقول:” عمري ما تكبرت على الأولمبي الباجي هذيكا جمعيتي إلي علمتني برشا حجات و عطاتني فرصة بش نلعب و نظهر ولا عمري نهار نكرت الكلام هذا. فما حاجات غريبة صايرة إلي لبرا ما يعرفوهاش و حسبي الله و نعم الوكيل في كل من كان سبب و حب يحطلي العصا في العجلة و كل من يحب يشوه سمعتي”