بوقيرة: السلالة البريطانية التي وصلت تونس هي في حد ذاتها جائحة جديدة

أعلنت وزارة الصحة رسمياً اكتشفها للمتحول البريطاني B.1.1.7 في تونس.

وعلق الدكتور زكرياء بوقيرة على السلالة البريطانية قائلا ” اللي لازم تفهموه انو الفيروس هذا يمثل في حد ذاته جائحة جديدة.
شاء القدر أن يتم الإعلان عليه في عيد الميلاد الأول للوباء في تونس.

هاكم شفتو على عينيكم تصرف الدولة في الجائحة الأولى.

جرايرهم أكثر من 8000 تونسي ماتوا
جرايرهم مئات ألاف التوانسة مرضو
جرايرهم ملايين التوانسة تعطلت مصالحهم
جرايرهم تونس في أخر درجة قبل الإفلاس

لوين ماشين؟
إلى متى بش نخليوهم يخربوا لبلاد؟

تتصوروهم تعلموا من اخطأهم؟
تتصوروهم يستعرفو أصلاً بأغلاطهم؟

زعما فهموا انو من الخيال التعايش مع فيروس قاتل؟
زعما فهموا انو كي تختار الإقتصاد على حياة الناس تخسرهم الزوز؟
زعما فهموا انو تدريجياً العالم بش يخرج من الأزمة ونحنا بش نبقاو محاصرين في حبس ما يدخللها حد وما يخرج منها حد؟

ليوم بارشا دول في العالم الكورونا فيها وفاة ولليوم ما عرفوش موجة ثانية

الفيروس ما يقتلش.
هو كائن كيف الكائنات الحية الكل يحب بركة يعيش.
إلي يقتل هي الدولة كي تستورد الوباء وقت إلي شعب منعنا ورجعنا للصفر حالة
إلي يقتل هي الحكومة إلي ترفض الحجر الصحي الشامل وتخلي الوباء ينتشر ويحصد أرواحنا.

ردوا بالكم على رواحكم وعلى عايلاتكم

مادام المجرمة هذوما في الحكم الكابوس مازال بش يكساح

#حجر_صحي_شامل”