دبارة اليوم by MG :حلالم، مقرونة بالسوبيا، سلاطة، بريك و خبزة محشية

دبارتنا لليوم من شهر رمضان الفضيل:
حلالم، مقرونة بالسوبيا، سلاطة، بريك و خبزة محشية طايبة بمنتوجات mg j’aime و kollyoum بنينة، ساهلة و فيسع تحضر و هذي الوصفة
المكونات
300غ فارينة
خميرة خبز
مغرفة صغيرة سكر
مغرفة صغيرة ملح
4 مغارف كبار من زيت عباد الشمس mg j’aime
شوية ماء دافي
1 حكة صالصة بيتزا mg j’aime
1/2 مغرفة كبيرة تابل و كروية kollyoum
ملح و فلفل أكحل
شوية زيت
بطاطا مقصوصة مكعبات و مقلية
تن بالزيت النباتي mg j’aime
جبن موزرلا مرحي
معدنوس مقصوص
طريقة التحضير
للعجينة
في وعاء نحطو الفارينة، خميرة خبز، سكر، ملح، مغارف زيت عباد الشمس mg شوية ماء دافي و نعجنوها بالقدا حتى تولي عجينة طرية و ما تتلصقشي ندهنوها بشوية زيت ونخليها تخمر و ترتاح لمدة ساعة
لتحضير الحشو في طاهية نحطو صالصة بيتزا mg j’aime، تابل و كروية kollyoum، ملح و فلفل أكحل و شوية زيت و نخلطو الكل مليح و نحطوهم يطيبو على نار هادية
نقسمو العجينة على زوز ونحلوهم بالقلقال بسمك 1 صم
في العجينة الأولى نحطو الصالصة متاعنا الطايبة، فرشة من البطاطا المقلية، فرشة من التن بالزيت النباتي mg j’aime، فرشة جبن موزرلا و معدنوس من فوق و نسكروها مليح بالشطر الثاني متاع العجينة باش ما تتحلش وقت التطيب و تنجمو طيبوها في المقلاة و إلا في الفور حتى تحمار من الجهتين و صحة و بالشفاء