دبارة اليوم by MG حلالم، نواصر بالدجاج، سلاطة و كعابر بطاطا معاهم صالصة

دبارتنا لليوم من شهر رمضان الفضيل:
حلالم، نواصر بالدجاج، سلاطة و كعابر بطاطا معاهم صالصة طايبين بمنتوجات mg j’aime و kollyoum خفاف و بنان و يعملو ستة و ستين كيف، إليكم الوصفة
المكونات
كعبات بطاطا
شوية ملح و فلفل أكحل
فتات خبز chapelure
فلفل أحمر و كركم و تابل
فارينة
4 بيضات
جبن موزرلا
زيت نباتي kollyoum
للصالصة:
زيت عباد الشمس mg j’aime
طماطم مقشرة كاملة mg j’aime
طريقة التحضير
انظفو كعبات البطاطا و نقصوهم مكعبات و نحطوهم في طاهية مع شوية ملح و نخليوهم يغليو
في وعاء نحطو فتات الخبز chapelure ونفوحوها بشوية ملح و فلفل أكحل و فلفل أحمر
في وعاء ثاني نفوحو الفارينة كيف كيف بشوية ملح و فلفل أكحل و فلفل أحمر
في وعاء ثالث نحطو 3 بيضات و نفوحوهم بشوية ملح و فلفل أكحل و نركضوهم مليح
نرفسو البطاطا و نفوحوها بشوية ملح و فلفل أكحل، فلفل أحمر، شوية كركم و بيضة و نخلطوهم بالباهي
نشكلو كعبورات متوسطين في وسطهم نحطو شوية جبن موزرلا و نلفوهم في الفرينة ثم في خليط البيضات ثم في فتات الخبز chapelure و نقليوهم في المقلاة في الزيت النباتي kollyoum حتى يحمارو
في طاهية صغيرة نحضرو الصالصة نحطو زيت عباد الشمس mg j’aime، طماطم مقشرة كاملة mg j’aime، تابل، ملح و فلفل أكحل و نخليهم يطيبو على نار جيدة
في طبق التقديم نحطو الصالصة في الوسط و ندوروها بكعابر البطاطا متاعنا و صحة و بالشفاء