دبارة اليوم by MG : شربة فريك، دويدة مفورة، طاجين سبناخ و سلاطة قنارية و للسهرية الدبلة التونسية

دبارتنا لليوم في شهر رمضان الفضيل: شربة فريك، دويدة مفورة، طاجين سبناخ و سلاطة قنارية و للسهرية الدبلة التونسية ياسر مشتهية في سيدي رمضان حاضرة بمنتوجات mg j’aime و kollyoum وكان تحبو تعرفو كيفاش تبعو الوصفة التالية
المكونات
2 بيضات
200 غ فارينة
50 غ نشاء ذرة
2 مغارف كبار زبدة
شوية ملح
1 أبيض بيضة
4 مغارف كبار عطرشية
شوية جلجلان كعب
1 مغرفة كبيرة سكر
شحور طايب خفيف
فلم بلاستيكي شفاف kollyoum
زيت نباتي kollyoum للقلي
1 باكو سكر فانيليا
طريقة التحضير
في وعاء نركضو البيض مع السكر ثم نضيفو الزبدة، الملح، العطرشية، سكر الفانيليا و الفارينة شيئا فشيئا حتى تولي عجينة متماسكة و متجانسة نرشو عليها شوية نشاء، نلفوها في فلم بلاستيكي شفاف kollyoum و نخليوها ترتاح 30 دق.
بعد ما ارتاحت لعجينة نحلوها بالقلقال على مكان عمل مسطح، مرشوش بشوية نشاء حتى تصبح رقيقة جدا.
نقصو ورقة العجينة بالسكين على شكل مستطيلات عرضها 3 صم.
نطويو العجينة حول الفرشيطة و نلصقو أطرافها في بعضها بواسطة أبيض بيضة.
في مقلاة نصبو زيت نباتي kollyoum و نخليوه يسخن مليح و نقليو فيه كعبة الدبلة متاعنا حتى تخرج فقاعات و يولي لونها ذهبي و نكملو مع باقي الكعبات و
نحطوهم يستقطرو في الصفايا ثم نشحروهم مليح و نرشو عليهم من فوق شوية جلجان و صحة و بالشفاء